16 Avqust 2008-ci il tarixində UNİCEF tərəfindən dəstəklənən “Şən İdman Avtobusu” layihəsi çərçivəsindəÜmidli Gələcək Sosial Təşəbbüslər İctimai Birliyinin Təhsil, Mədəniyyət və İdman Proqramları Dеpartamеntinin mütəxəssisləri Suraxanı rayon 2 saylı Uşaq Evində “Şən İdman Avtobusu” layihəsinin başlanğıcına start verdilər. Şən və İdman oyunlarında uşaq evinin idman müəllimi və 20-dən artıq uşaq iştirak etmişdir.
Burada təşkil edilmiş ilk tədbirin əsas məqsədi uşaq evində tərbiyə alan uşaqların idmana marağının artırılması və onları sağlam həyat tərzi sürməyə dəstəkləmək olub. Tədbir zaman uşaqlarla müxtəlif idman oyunları keçirilmişdir. Fəaliyyətlərin təşkili zamanı Ümidli Gələcək Sosial Təşəbbüslər İctimai Birliyinin hazırladığı xüsusi metodikadan və həmçinin Böyük Britaniya Şurası və Böyük Britaniyanın İdman Şurasının Beynəlxalq Həyacan proqramı çərçivəsində təklif edilmiş metodikalardan istifadə edilib.
Şən İdman Avtobusu tərəfindən təşkil eidlən tədbirlərin əsas məqsədləri sırasında həmçinin uşaqlar arasında liderlik bacarıqlarının artırılması, komandada iş prinsiplərinin aşılanması, qərarların qəbulunda sərbəstliyin formalaşdırılması, uşaqlar arasında özünə inamın artırılması da vardır.
Eyni zamanda qeyd etmək lazımdır ki, uşaqların böyük sevincinə səbəb olan bu oyunlar həmçinin uşaqların öz aralarında, habelə onlarla müəllim və tərbiyəçilər arasında ünsiyyətin düzgün və səmərəli qurulmasına müsbət təsir göstərir.
Ümidli Gələcək Sosial Təşəbbüslər İctimai Birliyi bundan sоnra da belə tədbirlərin keçirilməsinə böyük diqqət yetirəcək və Şən İdman Avtobusu mütəmadi olaraq uşaq müəssisələrinə səfərlər edəcəkdir.
