08.04.2024-cü il tarixində Mərkəzin sosial xidməti olan Azərbaycan Uşaq və Qadın Qaynar Xətt xidmətinə(116111) Abşeron rayonu, Xırdalan şəhərində yaşayan H.İ. tərəfindən həyat yoldaşı tərəfindən məişət zorakılığı zəmnində ona fiziki xəsarət yetirməsi və 2 azyaşlı övladlarının təhlükəsizliyi ilə bağlı müraciəti daxil olmuşdur.
Müraciətdə qadın bildirmişdir ki, 07.03.2024-cü il tarixində həyat yoldaşı tərəfindən azyaşlıların gözü qarşısında bıçaqlanmış, xəstəxanaya yerləşdirildikdən sonra vəziyyətinin ağır olmasına baxmayaraq məhkəmə-tibbi ekspertiza nəticəsi YÜNGÜL zərərvurmaya aid edildiyindən yoldaşı bugünə qədər cinayət məsuliyyətinə cəlb edilməmiş və övladlarını qeyd edilən tarixdən qaçırtmışdır.
Tərəfimizdən məsələnin detallı araşdırılması məqsədilə 09.04.2024-cü il tarixində xanımla görüş olmuş və məsələ ilə bağlı dərhal rəsmi müraciətlər edilmişdir. Lakin hələdə cinayətkar məsuliyyətə cəlb edilməyib, uşaqlar artıq 2 aydır ki təhsildən yayındırılır.
Hadisə baş verdikdən sonra ana övladlarını görmür, həyat yoldaşı ilə əlaqə saxlamağa qorxur, cinayətə meyilli bir insanla övladlarının birgə olmasından narahatdır.
