17 May Beynəlxalq Uşaq Qaynar Xəttləri günüdür. Azərbaycanda "Azərbaycan Uşaq Qaynar Xətt Xidməti" - "Azerbaijan Child Helpline Service" (116111) fəaliyyətini 14 ildir ki, davam etdirir.

Məqsədimiz ölkəmizdə yaşayan bütün uşaqların sədasına çevrilərək onların problemlərini yalnız dinləmək və təsəlli vermək deyil, həm də həllinə müvəffəq olmaqdır.

Bugün 2024-cü il tarixində bizlər Ümidli Gələcək STİB əməkdaşları, AUQX xidmətinin operatorları olaraq SİZlərə, geridə qalan on dörd ildə fəaliyyətimizi uğurla qurmamıza və davam etdirməmizə dəstək olan, töhfə verən, inamını, etimadını daima hiss etdiyimiz bütün DÖVLƏT və ÖZƏL sektorların nümayəndələrinə Unicef Azerbaijan, Azercell şirkəti, Ailə, Qadın və Uşaq Problemləri üzrə Dövlət Komitəsi, Azərbaycan Respublikası Elm və Təhsil Nazirliyi, Azərbaycan Respublikasının Daxili İşlər Nazirliyi eyni zamanda əhalinin ən duyarlı təbəqəsi olan, yalnız özünü, öz övladlarını deyil, digərlərini də düşünərək qonşuda, küçədə, məktəbdə, restoranda və ya digər hər hansısa bir yerdə baş vermiş zorakılıq hadisəsinə susmayan və araşdırılması üçün müraciət edən bütün VƏTƏNDAŞLARımıza sonsuz təşəkkürümüzü və minnətdarlığımızı bildiririk!

Sizlərin DƏSTƏYİ və İNAMI bizim üçün olduqca vacibdir!

Unutmayaq, hər bir UŞAĞın eşidilməyə, dinlənilməyə ehtiyacı var. Yalnız səsləri eşidildikdə onlar özlərini cəmiyyətin həqiqi üzvü hesab edə və potensiallarını ortaya qoyaraq uğur əldə edə bilərlər.

UNUTMAYIN: YARDIM TELEFON QƏDƏR YAXINDIR!