23 Sentyabr 2024-cü il tarixində UNİCEF Azərbaycan ofisinin nümayəndələri Ümidli Gələcək təşkilatının sosial xidmət mərkəzlərinə səfər ediblər. Əsasən ölkədə vacib xidmət olan Uşaq Qaynar Xətti xidmətinin inkişafı, daha geniş tanıtımı, fəaliyyəti və kadrların inkişafı istiqamətində əməkdaşlıq müzakirə edilmişdir.
Bununla yanaşı uşaq hüquqlarının qorunması, qaynar xəttin gələcək effektiv fəaliyyətinin dayanıqlığı və gələcəkdə birgə layihələrin həyata keçirilməsi kimi mühüm məsələlərə toxunulmuşdur.
Tərəflər arasında aparılan müzakirələr zamanı birgə əməkdaşlığın gücləndirilməsi, qaynar xəttin daha geniş auditoriyaya çatdırılması, uşaqların problemlərinə çevik və səmərəli cavab tədbirləri ətrafında konkret təkliflər səsləndirilib. Monitorinq prosesi zamanı müzakirə olunan əsas məsələlərdən biri isə xidmət keyfiyyətinin yüksəldilməsi üçün mövcud resursların optimallaşdırılması olub.
Görüşün yekununda əməkdaşlar arasında qeyd olunan məsələlərə dair fikir mübadiləsi aparılmiş və xatirə şəkli çəkilmişdir.
