Ümidli Gələcək Sosial Təşəbbüslər İctimai Birliyinin nəzdində fəaliyyət göstərən Yuvenal Ədliyyə mərkəzində qeydiyyatda olan yetkinlik yaşına çatmayanlarla birgə növbəti qrup işi keçirilmişdir. Tədbirin keçirilməsində əsas məqsəd Probasiya Xidmətində nəzarətə götürülmüş YYÇ-ın “Zərərli vərdişlər” mövzusunda məlumatlandırılması və onları bu kimi vərdişlərdən uzaqlaşdırılması olmuşdur.

Qrup işi çərçivəsində mərkəzin psixoloqu və sosial işçisinin iştirakı ilə bugünümüz bəlasına çevrilən siqaret, alkoqol asılılığı, “fast food”lardan və narkotik maddələrdən istifadənin çoxalması ilə bağlı yaranan sağlamlıq problemləri müzakirə edilmiş, yetkinlik yaşına çatmayanların gündəlik vərdişlərindən bəhs edilmişdir. Daha sonra isə uşaqlarla birgə həll yolları haqqında tövsiyyələr hazırlanmış və qrup işləri çərçivəsində təqdim edilmişdir.